Монгол тулгатны 100 эрхэм нэвтрүүлэг дээр яруу найрагч Б. Лхагвасүрэн гуай олимпийн аварга Түвшинбаяраас “ Бор дарс”-ны тухай юу гэж боддог вэ гэж асуухад
Түвшинбаяр:
-За бараг хэрэглэдэггүй , баяр ёслолоор найз нөхөдтэйгээ хааяа нэг хэрэглэнээ , ямар би уудаггүй гээд ярвайгаад суугаад байлтай биш гэхэд
Лхагвасүрэн:
– За хүү минь би чиний эцгээс чинь ах хүн учир нэг зүйл хэлэхэд зураг авхуулая гэсэн хүнээс татгалзах биш бор дарс өгсөн хүнээс татгалзаж байх нь өлзийтэй шүү гэж энэ нэвтрүүлгийн 45 дахь минутанд захьсан даа . Энэ үг бол яг нарийндаа их найрагч Лхагвасүрэн олимпийн аварга Түвшинбаяраар энэ цаг үеийн залуу үеийнхэнд захьсан захиас гэж ойлгоход болох юм .
Үнэндээ бол Монгол улсын нэр алдартай хоёр сайхан залуугийн нэг нь нас барж , нөгөө нь шоронд орж дууссан энэ эмгэнэл юунаас эхтэй вэ гэвэл ердөө л бор дарс шүү дээ . Үүнийг тодруулбал Түвшинбаярын хийсэн энэ гэмт хэрэг огт гарч байгаагүй хэрэг биш харин Монголын хэдэн зуу зуугаар магад бүүр мянгаар тоологдох залуусын хувь тавилан яг ийм эмгэнэлтэй байдлаар дуусч байсан ба мөн одоо энэ цаг үед ч үргэлжилсээр байгаа нь дэндүү харамсалтай эмгэнэлт зүйл юм .
Гагцхүү олны танил нэр алдартай хүн ийм хүн амины гэмт хэрэг өдүүлсэн үед цочсон юм шиг олноороо шуугиж байна шүү дээ . Тэгэхээр Түвшинбаяр шиг олны танил нэр алдартай хүн ийм аймшигт гэмт хэрэг өдүүлж байгаа нь Монгол улсад ар хидан сог ту урах явдал ямар өндөр хэмжээнд очсоны зүгээр нэг тусгал шүү дээ, мэдээж хийсэн хэргийнхээ төлөө Түвшинбаяр зохих я л шийтгэлээ авч л таарна , гэхдээ үүний хамт цаашид ийм гэмт хэргүүдийг яаж гаргуулахгүй байх талаар ТӨР ЗАСАГ ажиллах хэрэгтэй .
Ер нь Монгол улсын төр засаг хичнээн хүнийг шороонд булж хичнээн хүнийг шоронд хорьж хичнээн гэр бүлийг өнчрөл хагацалд хүргэж байж энэ бор дарстай тэмцэх юм бэ ?
Миний мэдэхээр Монгол хүнд энэ өндөр градустай APXN гээч зүйл огт зохидоггүй , бүүр x.a.p таmхи xэрэглэсэн юм шиг ямар ч өөрийн ухаангүй болтол согтож энэ үедээ гэмт хэрэг үйлдэх болон гэмт хэргийн хохирогч болдог бол бас маргааш нь аймшигтай хордлогонд орж шартаж эрүүл мэндээ сүйтгэдэг , эцэст нь бор дарсанд донтогч болж байна .
Гэтэл Монгол улсын төр засаг энэ APXN гээч ХОР-г хэдий болтол ус цас шиг ийм ихээр элбэг дэлбэг , хямд үнэтэй , хаана ч хамаагүй хэрэглэдэг хэрэглээ хэвээр байлгах вэ .
Ядаж хатуулаг ихтэй архийг биш пиво , вино уудаг хэвшилд хүн ардаа оруулж үүнийг ТАТВАР-н бодлогоор зохицуулж болдоггүй юм уу . Энэ хар мөртэй APXИ байсан цагт өөр олон олон Түвшинбаярууд болон өөр олон олон хохирогч нарын нэрс хэзээ ч зогсохгүй шүү дээ . Ийм зүйлийг зүгээр хараад суугаа ТӨР хүнлэг ардчилсан нийгэм байгуулна гэж үү . Хэрэв Монголд ийм ихээр архины хэрэглээ байгаагүй бол Түвшинбаяр шоронд бус, харин Энхбат начин маань өнөөдөр амьд сэрүүн хоёулаа олон түмний хайртай хоёр найз хэвээр л байх байсан даа . Энхбат начиндаа харамсан харамсан эмгэнэл илэрхийлж энэ бичвэрийг бичлээ .
Эх сурвалж: Өлзийсайхан Өлзий
