Винс Тригс нас барахынхаа өмнөхөн эхнэр Эйлиндээ эцсийн хүслээ хэлжээ. Тэрээр өөрийг нь нас барсны дараа сайн найзтай нь үлдсэн амьдралдаа хамтдаа байхыг эхнэрээсээ хүссэн юм. Тэд нийт 71 жилийн хамтын амьдралынхаа хугацаанд дөрвөн хүүхэд, дөрвөн ач, долоон гучтай болжээ. Винс Тригс өөрийгөө нас барсан ч эхнэр нь зовж шаналалгүй, хоёр дахь амьдралдаа хайраар дүүрэн байхыг хүссэн нь энэ аж. Тэрээр өөрийн эхнэр Эйлин болон түүний хайртай найз Рон Фултон хоёрыг үлдсэн амьдралаа хамтдаа өнгөрүүлэхийг хүссэн байна. Винс нүд анихаасаа өмнөхөн өгүүлсэн хүслийг биелүүлж ахмад хос саяхан хуримаа хийжээ.
Винс, Эйлин хоёрын хүү Майк Тригс аавынхаа сүүлчийн өдөр өөрийн сошиал хуудастаа “Аав минь ээжийг уй гашууд хэт их автахгүй байхыг хүсэж буйгаа илэрхийлсэн бөгөөд хэзээ нэгэн цагт дахин гэрлэж, амьдралынхаа үлдсэн цаг хугацааг хуваалцаасай гэж хүссэн. Түүнийг өөртэй нь адил халамжилж, хайрлах хүнтэй хамт амьдрахыг хүссэн юм” гэжээ.
Эйлин болон Рон Фултон нар өнгөрөгч 12-р сарын 26-нд гэрлэжээ.
Бэлэвсэн эхнэр Эйлин эхэндээ үүнийг “солиотой зүйл” хэмээн тодорхойлж, үгүйсгэж байсан ч эцэстээ талийгаач нөхрийнхөө хүслийг биелүүлжээ. Хоёр эрэгтэй өмнө нь 2015 онд танилцаж, төвөггүй сайн найзууд болжээ. Фултоны эхнэр Мелба нь 2019 онд нас барах хүртэл Эйлин мөн түүний сайн найз байсан юм. Нэг үгээр тэд гэр бүлийн найзууд байсан ч ертөнцийн мөнх бусыг үзүүлсэн нэгнээ нөхөн, үлдсэн амьдралаа хамтдаа туулахаар шийджээ.
Винсийг нас барсны дараа Эйлин, Рон нар хамтдаа цагийг өнгөрөөжээ. Тэр түүнд Винсийн шүүгээг цэвэрлэхэд тусалж, хамтдаа хооллож, хөл бөмбөгийн тоглолт болон концерт хамт үзжээ. Тэд 2021 оны арванхоёрдугаар сарын 26-нд эхнэр нөхөр болсон юм.
Эх сурвалж: Today