Чингисийн одонт, МУГЖ дуурийн дуучин Г.Ариунбаатар спортоор бол олимп, дэлхийн аварга болсон дэлхийн шилдэг баритоны нэг. Анх 23 насандаа МУГЖ болсон дуучин Г.Ариунбаатар 25 насандаа хоёр ч бүсгүйгээс хоёр хүүтэй болсон.
Арван жилийн сурагч үеэсээ дотноссон охин анхны хүүг нь төрүүлж, удаах хүүг нь нижгэр хурим хийж гэрлэсэн З.Туяа гэдэг бүсгүй төрүүлсэн. Г.Ариунбаатарын алдар нэр түгж, гавьяа шагнал гардахын хэрээр хувийн амьдрал нь уруудаж, эхнэр нь цагдаад өгч, алдарт дуучин эрүүгийн хэрэгт холбогдон яллагдагчаар татагдсан удаатай.
Эхнэр нь хувийн чатыг нь ил гаргаж, эр нөхрөө эвгүй байдалд оруулсан. Нэгэнт цав суусан амьдрал удаан үргэлжлээгүй.
Харин МУГЖ Г.Ариунбаатар 2016 оноос жүжигчин Б.Баярмаатай хамт амьдарсан. Б.Баярмаа өмнө нь мөн л Ариука нэртэй нөхөртэй, гурван охинтой, гаднаасаа сайхан гэр бүл гэгддэг байв.
Б.Баярмаа сайн ч жүжигчин, сайхан ч бүсгүй, нөхөр, гурван охиноо асрахын зэрэгцээ олон киноны гол дүрд тоглосон.
Мөн 2014 онд “Плэйбой” сэтгүүлээс шалгаруулсан санал асуулгаар Монголын хамгийн сайхан хүүхний нэгдүгээрт шалгарч байлаа. 
Гэтэл Г.Ариунбаатар, Б.Баярмаа хоёр хамт амьдарснаар, бүсгүй хөшигний ард орж, хайр сэтгэл, амьдралаа олны нүднээс их нууцалдаг. Б.Баярмаа жүжигчний карьераа орхиж, цахим хуудсаа ч устгаж, гурван жил фэйсбүүк, “инста”-д мөргүй нэгэн болсон.
Хоёр ч амьдрал үзсэн, хоёулаа олны танил залуу хос харилцаагаа олны нүднээс нууцалсан нь дээр гэж бодоо биз ээ.
Харин саяхнаас тэд харилцаагаа ил болгож, инстаграмм, фэйсбүүк хуудсаа идэвхтэй хөтлөх болов. Г.Ариунбаатар ч томоожиж, Баярмаа, Ариунбаатар хоёр одоо хөөрхөн хүүгийн аав ээж болжээ.
Өмнөх амьдралаасаа Г.Ариунбаатар хоёр хүүтэй, Б.Баярмаа гурван охинтой, дундаасаа хоёр хүүтэй болохоор 7 хүүхэдтэй өнөр бүлийн эзэн, эзэгтэй болсон гэлцдэг. Дөрвөн жил хамтдаа амьдарч, хөөрхөн хүүгийн эцэг эх болсон урлагийн алдартай залуусыг одоо буруутгах хүн байхгүй. Өнөр бүлийн эзэн залуу хос цахимд бие биедээ зүрх илгээж, харилцаагаа ил болгосоор байна.
Юутай ч хэсэг дуучид Чингис хааны одонт Г.Ариунбаатарынд зочлоход ард нь жүжигчин Б.Баярмаагийн “Мойлхон” кинонд тоглосон хөрөг зураг өлгөөтэй байгаа нь хосууд нэг цул, бат бөх гэр бүл болсныг илчилнэ.
Жүжигчин А.Туяа өвөрмонгол найз залуутай юу?
Хошин урлагийн сайхан бүсгүйчүүдийн нэг А.Туяа “Х Түц” хамтлагаас амжилтын гараа, олонд танигдахын эхлэлээ тавьсан.
Жүжигчин А.Туяа “Х Түц” хамтлагт байхдаа тус хамтлагийн тоглолтын хамаг сайхан бүсгүй, эро тик бүсгүйн дүрд хагас нvцгэн шахуу тоглодог байсан билээ.
“Х Түц” хамтлагт долоон жил тоглосны дараа цаг бариагүй гэх шалтгаанаар хамтлагаасаа хөөгдсөн гэж бичигдэж байлаа.
Хамтлагаас гарах үетэй нь давхцаж, Ц.Алдармаа хамтлагийнхаа эгч Д.Оюунтуулыг буцалсан усаар шалзалсан ичгэвэртэй хэрэг мандсан.
Ц.Алдармаа, Д.Оюунтуул, А.Туяа гурав дотны найз байсан андууд. Энэ хэргээс хойш Д.Оюунтуул, Ц.Алдармаа хоёр тангараг тасарч, А.Туяа, Туул эгчтэйгээ хамтран “ТТ” продакшн байгуулсан. Туяа, Туул хоёр нэг тоглолт хийгээд, Оюунтуул эргээд “Шинэ үе” продакшндаа очсон гэдэг.
Харин жүжигчин А.Туяа эрэлттэй кино жүжигчин. Оногдсон дүрээ часхийтэл гаргаж, сайн бүтээдэг жүжигчин.
Жүжигчин А.Туяагийн нэг гэм нь “материал”-аасаа болоод тэр үү, ихэвчлэн хөнгөмсөг сайхан хүүхний дүр бүтээнэ.
Дүрээ дагаад хагас нүцгэлэх ч энүүхэнд. Хошин урлагийн сайхан бүсгүй А.Туяагийн нас 30 хол гарлаа. “Э рос” дүр бүтээх нас ч удахгүй ард хоцрох биз ээ. А.Туяагийн эрчүүдтэй уулзсан, болзсон гэх асуудал олон нийтэд ил болдоггүй.
Тийм болохоор их сайн нууц амраг байх гэсэн хардлага гардаг. Тэр байтугай баян өвөрмонгол эр А.Туяагийн ард асаалттай танк шиг байдаг гэх юм. Сайхан хүүхнийг хов чимдэг гэдэг л энэ байх даа.
