1989 онд манайд анх сайхан бүсгүй шалгаруулах тэмцээн явагдаж, сургуулиасаа, албан байгууллагаасаа шалгарсан сайхан бүсгүйчүүд шилэгдэн оролцож, тэр хэрээр миссүүдийн нэр хүнд өндөр байлаа. Анхны мисс Биндэръяа христийн итгэгч болж, нөхөр хүүхдүүдийнхээ хамт нам гүмхэн амьдардаг.
Хоёрдугаар мисс Г.Мөнхцэцэг УИХ-ын гишүүн, Засгийн газрын гишүүн асан эрхмийн хэнз хүүхдийг төрүүлж, хамтдаа амьдардаг гэж яригддаг. Н.Мөнхцэцэгийн дараа хоёрдугаарт орж, аман хүзүүдсэн Э.Одгэрэл загварын карьераа хөөсөн.
Гурав дахь удаагийн Монголын сайхан бүсгүй шалгаруулах тэмцээнд тэргүүн байр эзэлсэн Ч.Мичидмаа УИХ-ын гишүүн, Уул уурхайн сайд, одоогийн Улаанбаатар хотын захирагч Д.Сумъяабазарын гэргий болсон.
Ч.Мичидмаатай хамт миссийн тэмцээнд орж, гуравдугаар байр эзэлсэн Шижирмаа Гадаад харилцааны дэд сайд асан Г.Тэнгэрийн гэргий. СУИС-ийг төлөөлөн миссийн тэмцээнд оролцож, АЖ Хайдав гуай бэлдүүлсний ачаар дээгүүр байр эзэлсэн Ч.Ичинхорлоо УИХ-ын гишүүн, Шадар сайд С.Амарсайхантай гэрлэсэн билээ.
Мисс Ч.Мичидмаагийн дотны найз мисс Нямцэцэг “МСS” группийн дэд ерөнхийлөгч “Шарк” Д.Энхтүвшинтэй гэрлэсэн. Ерээд оны эхээр миссийн тэмцээнд оролцсон бүсгүйчүүд одоо Монголын улс төр, эдийн засагт жин дарж яваа нөлөө бүхий эрчүүдтэй гэрлэж, миссийнхээ нэр төрийг өндөрт өргөж, титмээ хамгаалж яваа. Харин сүүлийн үед олноороо тодорсон миссүүд алтан үеийнхээ эгч нарын энд хувийн амьдралаараа ч, биеэ авч явах байдлаараа ч хаана ч хүрэхгүй байгаа нь нууц биш.