Коронавирусийн эсрэг вакциныг нэг эрэгтэй өдрийн дотор 10 удаа тариулсан тохиолдол илэрснийг мөрдөн шалгаж байгаагаа Шинэ Зеландын албаныхан өчигдөр мэдээлжээ.
Тухайн эрэгтэй вакцин тариулахаас зайлсхийсэн хүмүүсийн өмнөөс мөнгө авч тариулсан нь тогтоогдсон байна. Шинэ Зеландын эрүүл мэндийн яам уг хэргийг нухацтай шалгаж, дахин ийм алдаа гаргахгүй байх шийдэл хайж байгааг тус яамны дархлаажуулалтын хөтөлбөрийн менежэр Астрид Корнеф хэвлэлд ярьжээ.
“Вакцины тунг хэтрүүлэх нь зөвхөн тухайн хүнийг төдийгүй гэр бүл, ойр дотнын хүмүүс, эрүүл мэндийн байгууллагыг ч эрсдэлд оруулж байна. Хэрвээ хэн нэгэн зөвшөөрөгдсөн хэмжээнээс илүү вакцин тариулсан талаар мэдэж байгаа бол яаралтай эмч мэргэжилтнүүдэд хандах шаардлагатай” гэж тэр иргэдэд анхааруулсан байна. Хүн нэг өдрийн дотор коронавирусийн эсрэг вакцины 10 тунг тариулахад ямар эрсдэл үүсэх талаар мэдээлэл хомс байгааг Окландын Их Сургуулийн вакцинологич Хэлэн Петоусис-Харрис ярьжээ.
Шинэ Зеландын иргэд вакцинжуулалтад хамрагдахдаа биеийн байцаалт, бичиг баримт үзүүлдэггүйгээс ийм хэрэг гарсан байна. Хэрвээ одооноос хамрагдах хүмүүсээс бичиг баримт шаардаж эхэлбэл вакцинжуулалтын явц удаашрах аюултай гэж мэргэжилтнүүд болгоомжилж байна.
Ялангуяа орон гэргүй, байнгын оршин суух хаяггүй зэрэг эмзэг бүлгийн хүмүүсийн дархлаажуулалтад хамрагдах идэвх буурах магадлалтай гэнэ. Шинэ Зеланд улсын 5 сая орчим хүн амын зорилтот бүлгийн 89 хувь нь вакцинжуулалтад бүрэн хамрагдаад байгаа. Цар тахал эхэлсэн цагаас хойш тус улсад Covid-19 халдварын 12,500 орчим тохиолдол бүртгэгдэж, 46 хүн нас баржээ.
Эх сурвалж: Associated Press
Бусад мэдээ: Тэмцэгч гэх Д.Мөнх-Эрдэнийн Хятадуудтай хийсэн зүй бус “ЗУРАГ” ил боллоо
Хөх хотын ерөнхий консул асан Д.Мөнх-Эрдэнэ дипломат эрхээ хэтрүүлэн ашиглаж, хууль бус машины наймаа хийсэн хэргээр БНХАУ-д шалгагдаж байсан талаарх мэдээллийг бид өмнө хүргэсэн.
Хөх хот дахь Ерөнхий консулаар ажиллаж байсан Д.Мөнх-Эрдэнэ гэгч нь дипломат дугаартай машинуудыг хилээр гарган хятад иргэдэд дамлан худалдсан хэрэгт шалгагдаж байгаа бөгөөд түүнээс машин худалдан авсан Вао Чин Сун нэрт хятад иргэнийг өнөө хэр суллаагүй байгаа.
Энэ талаар Вао Чин Сунгийн эхнэр Монгол Улсын Ерөнхийлөгч, Ерөнхий сайд, АТГ-т хандаж гомдол гаргаснаар хэргийн мэдээлэл ийнхүү олонд ил болоод буй аж. Хэдхэн хоногийн өмнө Турк улсад суух Монголын дипломатууд онц их хэмжээний гер ио н тээвэрлэж яван баригдаж дэлхий нийтэд шуугиан тарьсан.
Түүний шившигт хэргийн мэдээлэлтэй зэрэгцэн хятад хоолны газарт, хятадуудаар дайлуулсан хоолныхоо тавгийг долоож буй зураг нь цахим сүлжээнд цацагдлаа.
Хятад иргэнээр согтож унатлаа дайлуулж, улмаар хоолны тавгаа нохой шиг долоож буй энэхүү гутамшигт зураг нь эгэл жирийн монгол иргэдээ ёстой нүүр хийх газаргүй болгож байна. Монгол Улс минь, төр засаг минь даанч дээ.
