Оролцогчийнхоо сэтгэлийн гүн дэх углуурганы үгийг хөөрхөн гэгч нь халааж байгаад яриулчихдаг “Халамцуу яриа” нэвтрүүлэг хандалт өндөртэй шоунуудын нэг болоод байгаа билээ. Хөтлөгч Д.Галбаяр өнгөрсөн 11-р сарын нэвтрүүлгийнхээ зочноор “Мөрөөдлийн театр”-ын захирал, жүжигчин Г.Алтаншагайг урьж оролцуулсан юм.
Арван жилийн ой нь тохиож буй тус продакшн 11-р сарын 26-нд “Ub palace”-т хошин урлагийн нэгдсэн тоглолтоо толилуулсан. Мөрөөдлийн театрынхан анх “Миний нууц хүү” жүжгээрээ тэсрэлт хийн олонд танигдсанаасаа хойш 40 орчим туурвисан бөгөөд “Галзуу хот” жүжгээ телевизээр үзэгчдэд хүргэсэн юм.
“Халамцуу яриа”-ны хөтлөгч оролцогч хоёр нэлээд дотны найзууд. Тэд “Шинэ үе” продакшны жүжигчин Т.Билгүүн агсныг дурсав. Жүжигчин Г.Алтаншагай, Ц.Ганбаяр, талийгаач нар СУИС-ийн нэг ангийнхан бөгөөд оюутан ахуйдаа Т.Билгүүн агсныд байнга очдог байжээ.
Дотны найзаа дурсан ярих үеэрээ жүжигчин Г.Алтаншагай талийгаачийн аав Тайванаатай одоо хэр нь холбоотой төдийгүй үе үе уулзаж, зургаан жилийн өмнө хүүгээ алдсан аавынх нь элгийг дэвтээдэг тухайгаа ярьсан юм. Улмаар найзынхаа аав Тайванаа руу залгаж халуун дотно яриа өрнүүлэхэд тэрээр залуу сэтгэлгээтэй, тун ч хөгжилтэй нэгэн байв.
Харин тэд талийгаачийг осолд орсон бус хар тамхины хэргээр Хятадад цаазын ял авсан учир хошин урлагийнхан жүжиг тавьсан гэх утгатай худал мэдээллүүдэд “Хэрвээ тийм үйл явдал болсон юм бол бид чинь одоо хэний шарилыг тойрсон хэрэг вэ. Тиймээс өнөөдрийн нэвтрүүлгээрээ энэ худал мэдээлэлд албан ёсоор цэг хатгах цаг нь иржээ” хэмээн ярив. Ялангуяа Г.Алтаншагай “Миний муу найзыг одоо яах гэсэн юм бэ дээ” хэмээхдээ хоолой зангируулаад авсан юм.
Тэрээр энэ талаарх мэдээллийг нийтэлсэн сэтгүүлийг цагдаагийн байгууллагад өргөдөл гарган өгсөн бөгөөд харамсалтай нь нөгөө сэтгүүлийнхэн уучлал гуйж ч гавиагүй байна. Хүний үхэл хагацлын тухай худал мэдээлэл тарааж, хандалт авч амь зогоодог хүмүүс олширсныг эл нэвтрүүлгээр харамсангуй өгүүллээ.
Өнөөдрийн бусад мэдээ: О.Оюунцэцэг: Миний хөхийг хараад “Пүү паа, сэжгийн юм бэ” гэж уулга алдагсад сонс
Анх “Түлэнхий нүүрт” хэмээн бичсэн постоороо олны анхааралд өртсөн О.Оюунцэцэг Австралийн телевизэд ажиллаж байснаас гадна Ийгл телевизэд мөн ажиллаж байсан нэгэн. Харин одоо тэрбээр хувийн бизнесээ хөөн телевизийн салбараасаа хөндийрөөд байгаа билээ.
Олон нийтийн сайтаар түүнийг “Монгол Барби” хэмээн нэрийдэх болсон нь гоо сайхны мэс засал хийлгэсэн хэмээх ярианаас үүдэлтэй. Анхны амьдрал нь бүтэлгүйтэж, нэг хүүтэй үлдэж байсан ч тэрбээр одоо нэгэн гадаад залуутай хайр сэтгэлийн холбоо тогтоожээ. Тэрбээр өнгөрсөн оны сүүлчээр өөрийн нэрний товчлол бүхий “Ogii” брэндийн туфлиэ олонд танилцуулж, үүнийхээ сурталчилгааг ч олон нийтийн сүлжээ сайтаар их хийх болсон.
Харин энэ бүтээгдэхүүндээ зориулж авахуулсан зургийг нь зарим нэг нь муулсан бололтой. Усны хувцастай хагас нүцгэн зургаа тэрбээр “Би албаар энэ зургандаа фотошоп хийлгээгүй юм! Бусад ээжүүд хараг! Би төгс эмэгтэй биш гэхдээ ээж хүн… (Өөр зөндөө зургууд байгаа удахгүй вэб сайт дээр тавигдана) Яадаг юм бэ, миний хөхийг хараад “Пүү паа, сэжгийн юм бэ.
Ямар заваан язарчихсан гэдэстэй хүүхэн бэ” гэж уулга алдагсад сонс! Хүүхдээ хөхүүлсэн ээж бүр ийм! Намайг ийм болгосон үрдээ би гомдоллоогүй байхад хэн ч биш хүмүүс амныхаа зоргоор доромжлох!!!Ямартаа ч хүү минь “Ээжээ, та усны гүнж шиг харагдаж байна” гээд титэм зүүгээд өгчихөж! Яадаг юм бэ, эвдэрсэн биетэй ч ээж байх гоё шүү дээ. Үүнээсээ ичих ёстой юу!!!” хэмээн бичжээ.
