С.Цэвээний ар гэрийнхэн нь төрөөс 269 сая төгрөг, Элчин сайдын суудал нэхжээ
Төрийн ордны гадаа суулт зарлаад удаж буй иргэн С.Цэвээн гэх буурлыг өнөөдөр танихгүй хүн үгүй болсон. Тэрбээр одоогоос хоёр сарын өмнө буюу 2021 оны зургадугаар сарын 3-ны өдрөөс эхлэн Төрийн ордны гадаа зарлаж, талийгаач нөхрийнхөө амь насаа алдсаны тэтгэмжийг улсаас нэхэмжилсэн юм.
Уг асуудлыг Чингэлтэй дүүргийн анхан шатны шүүх өнгөрсөн 5 дугаар сарын 24-ний өдөр хэлэлцээд хэрэгсэхгүй болгож шийдвэрлэсэн байдаг. Гэвч тэд шүүхийн шийдвэрийг эсэргүүцэн Төрийн ордны хажууд суулт зарлаж, давж заалдах шатны шүүхэд гомдол гаргасан. Шүүх 1990 онд онгоцны осол болсны дараа С.Цэвээний гомдлоор 10000 /арван мянган төгрөг/ олгосон, мөн ослын дараа /1993 онд/ С.Цэвээн гуайн гомдлоор нэг удаа 2000 төгрөгийн дэмжлэг, хүүхдүүдийг нь насанд хүртэл нь тэжээгчээ алдсаны нөхөн төлбөрийг улсаас олгож ирсэн зэрэг нотлох баримтыг үндэслэн шаардлагыг бүхэлд нь хэрэгсэхгүй болгож шийдвэрлэсэн байдаг.
Улмаар, наймдугаар сарын хоёрны өдөр Нийслэлийн Иргэний хэргийн давж заалдах шатны шүүх иргэн С.Цэвээн болон түүний хоёр охин болох С.Урансүх, С.Урансувдмаа нарын гаргасан давж заалдах гомдлыг хүлээн авах боломжгүй гэж шийдвэрлэжээ.
Хэдийгээр шүүхийн шийдвэр ийн гарсан ч Засгийн газрын зүгээс С.Цэвээн гуайд нааштайгаар шийдвэрлэж өгөх санал тавьжээ. Гэтэл тэд Засгийн газраас 269 сая төгрөг эсвэл Итали улсад элчин сайдаар томилж өг гэх шаардлага тавьж байгаа сурагтай. Шаардлага гэх үү, шантааж гэх үү. Монголчууд хэзээнээс хөгшидөө хүндэлж ирсэн. Гэвч халуун зуны салхи шуургатай өдрүүдэд хавдартай ижийгээрээ түрүү барьж, их хэмжээний мөнгө, албан тушаал нэхэж байгаа нь хэний шунал вэ.
ШҮҮГЧИЙН ЗАХИРАМЖ-01
ШҮҮГЧИЙН ЗАХИРАМЖ-02
Эх сурвалж: CAAKNEWS.MN
