Гамшгийн эрсдэлийг бууруулах үндэсний зөвлөл хуралдаж байна. Энэ үеэр Эрүүл мэндийн сайд С.Энхболд коронавирусний мутацлагдсан хэлбэр болох дельта вирусний тархац, нөхцөл байдлын талаар мэдээлэл өглөө.
Тэрбээр “Өнөөдрийн байдлаар дэлхийн 124 улсад коронавирцсний дельта хувилбар тархсан. Энэ нь эмнэлзүйн шинжилгээ богино хугацаанд илэрдэг, тархалт ихтэй, вакцины идэвхийг сааруулдаг вирусний мутацлагдсан хэлбэр юм. Тодруулбал, дельта вирус мутацлагдсан бусад вирустэй харьцуулбал вакцины идэвхийг 60 хувь сааруулдаг гэж судлагаагаар гарсан.
Тус вирусний хувьд тавдугаар сарын эхэнд Япон улсад илгээсэн сорьцноос анх илэрснээс гадна гаднаас зөөвөрлөгдөн орж ирсэн талар бид өмнө нь мэдээлсэн. Өнөөдрийн байдлаар нийт долоон тохиолдол батлагдаад байна.
Үүнтэй холбогдуулан наймдугаар сарын эхээр вакцины гурав дахь тунг эхлүүлэх төлөвлөгөө гарган бэлтгэл ажлыг хийж байна” гэлээ.
Б.Лхам
Бусад мэдээ:
Олимп дахин хойшилж магадгүй байна
Токио-2020 буюу зуны 32 дахь олимпын наадам Японы Токио хотод ирэх наймдугаар сарын 8-ны өдөр хүртэл үргэлжлэх билээ. Гэвч тус улсад далайн хар шуурга дайрч болзошгүй байгаатай холбогдуулан зарим тэмцээн уралдаан хойшилж болзошгүй нөхцөл байдал үүсээд байна.
Тодруулбал, далайн хар шуурга орон нутгийн цагаар 15.00 цаг орчмын үед дайрч болзошгүй байгаа аж.
Д.Сумъяа эхний шатандаа Словенийн бөхөд ялагдлаа
Жүдо бөхийн эмэгтэйчүүдийн -57 кг жинд зодоглосон МУГТ Д.Сумъяа эхний шатанд Словенийн Кая Кайзертай барилдаж вазари үнэлгээгээр ялагдлаа. Түүнийг ялсан Словенийн бөх шөвгийн 16-д Тайванийн Чен-Лин Лиентэй барилдана.
Өдгөө 30 настай Д.Сумъяагийн хувьд 2016 оны Риогийн олимпын мөнгө, 2014 оны ДАШТ-ий мөнгөн медальтай. Жүдо бөхийн барилдааныг EDU, TV9, Star телевизүүд шууд дамжуулж байгаа ба медалийн барилдаанууд 16:00 цагаас эхэлнэ.
