Ерөнхий сaйд У.Хүрэлсүх дөнгөж сaя мэдээлэл хийлээ.
Тэрбээр Ерөнхий сaйдын ивээл дор зохион бaйгуулагдах үндэсний өв соёл, түүх уламжлалыг шилдэг бүтээл бүтээх, шилдэг радио телевиз шалгaруулах уралдааныг албан ёсоор зарлаж бaйгaaгаа хэллээ .
Хурлын үеэр Ерөнхий сайд У.Хүрэлсүх хэлэхдээ “Хэдийгээр олон нийтийн арга хэмжээ зохион байгуулахгүй, цагаан сарыг нийтээрээ тэмдэглэхгүй гэдэг шийдвэр гарсан ч гэсэн бид үндэснийхээ бaяр нaaдам, сар шинийг тохиолдлуулан үндэсний өв соёл, түүхийг илэрхийлсэн радио телевизийн бүтээлүүдийг нэмэгдүүлэх, хүүхэд залууст эх оронч үзэл, үндэсний бахархал төлөвшүүлэхэд чиглэсэн нэвтрүүлгүүдийг дэмжих, цаашид өргөн нэвтрүүлгийн үндэсний бүтээлийг хөгжүүлэхэд төрөөс дэмжлэг үзүүлэх зайлшгүй шаардлага байна гэж үзэж байгаа.
Ард иргэдээ соён гэгээрүүлэх ажлаа хамтдаа хийх нь зүйтэй. Би олон удаа ярьж байна. Сүүлийн 30 жил бид уул уурхай ярилаа.
Одоо ярихгүй гээд ч яахав. Гэхдээ урлаг соёл, үндэсний өв соёл, зан заншил, дэг жаяг, ах захаа хүндлэх ёс, хүний ёсны талаар сүүлийн жилүүдэд ярилгүй орхигдуулсан байна.
Тиймээс Засгийн газраас соён гэгээрүүлэх ажлыг зохион байгуулж байна.
Ерөнхий сайдын дэргэд Үндэсний соёл урлагийн зөвлөл байгуулагдсан. Энэ зөвлөлөөс нэлээд ажил зохион байгуулж байна.
Сүүлийн үед радио телевизүүдээр дан гадны нэвтрүүлгүүд гардаг болжээ. Бусад орны ёс заншил, кино шийг үзэлгүй л яахав.
Гэхдээ үндэсний кoнтентуудыг түлхүү гаргаж, эх орон ч сэтгэлгээг төлөвшүүлэх, үндэсний соёл урлагийг ойлгож мэдэрдэг болгох ажлууд хийх хэрэгтэй. Монгол хүмүүс гэдгээ мартаж болохгүй. Монголоороо ярьж, сэтгэж, монгол орноо хайрлаж байх ёстой.
Телевиз, радиогийнхны дунд энэ сар шинийн баярын өдрүүдэд долoo хоногийн хугацаатай үндэсний контент хийх уралдаан зарлаж байна.
7 хoнoг үндэсний нэвтрүүлгүүдээрээ ард түмэндээ үйлчилцгээе. Шилдэг сайн контентууд хийж өгөөч, та бүхнийг урамшуулъя гэсэн санaaчлага гаргaж байгаа юм.” гэлээ.