Теслагийн эзэн Илон Маскийн хөрөнгө түр хугацаанд хагас их наяд ам.долларын босгыг давж, дараа нь 499 тэрбум ам.доллар болж буурсан талаар “Forbes”-ын тэрбумтнуудын жагсаалтад мэдээлсэн байна.
Илон Маск Теслагийн 12 хувийг эзэмшдэг бөгөөд компанийн үнэлгээ 1.5 их наядаас давсан. Түүний хөрөнгө энэ онд цахилгаан автомашин үйлдвэрлэгчийн хувьцааны үнийн өсөлтөөс голлон хамаарч нэмэгджээ.
Тесла 7–9 дүгээр сарын хугацаанд 497,099 ширхэг автомашины нийлүүлэлт хийсэн нь шинжээчдийн таамгаас давж, АНУ-д цахилгаан автомашин худалдан авагчдад олгож байсан татварын хөнгөлөлт дуусахаас өмнө эрэлт нэмэгдсэнтэй холбоотой аж.
Теслагийн ойролцоогоор 1 тэрбум ам.долларын хувьцаа худалдан авснаа зарласан нь компанийн ирээдүйд итгэж буйгаа харуулсан алхам болсон юм.
54 настай Илон Маскийн бусад бизнесүүдэд пуужингийн “SpaceX” компани (одоогоор 400 тэрбум ам.доллараар үнэлэгдэж буй) болон хиймэл оюуны “xAI” компани (75 тэрбум ам.доллараар үнэлэгдсэн) багтдаг. Маск “SpaceX”-ийн 42 хувийг эзэмшдэг.
Энэ оны эхэнд Теслагийн хувьцаа Хятадын өрсөлдөгчдөөс үүдэлтэй дарамт, борлуулалтын бууралт, мөн Маскийн анхаарал өөр бизнесүүддээ сарних зэрэг хүчин зүйлсээс болж унасан. Түүнчлэн Дональд Трамптай холбоотой маргаантай харилцаа, Трампыг дэмжсэн мэдэгдэл, барууны улс төрийн үзэл бодлоо илэрхийлсэн нь Теслагийн борлуулалтад сөргөөр нөлөөлсөн гэж шинжээчид үзжээ.
Гэсэн ч Илон Маск компаниудадаа дахин төвлөрч эхэлсэнтэй холбоотойгоор хөрөнгө оруулагчдын итгэл нэмэгдэж, Теслагийн хувьцаа энэ оны эхнээс 13 хувиар өсөөд байна.
Теслагийн ТУЗ-ийн дарга Робин Денхолм өнгөрсөн сард Маск “компанийн үйл ажиллагааны төвд эргэн ирсэн” гэж мэдэгдсэн. Үүний дараахан Маск Теслагийн ойролцоогоор 1 тэрбум ам.долларын хувьцаа худалдан авснаа зарласан нь компанийн ирээдүйд итгэж буйгаа харуулсан алхам болсон юм.
Мөн өнгөрсөн сард Теслагийн ТУЗ Илон Маскийн төлөө 1 их наяд ам.долларын урамшууллын багцыг санал болгосон бөгөөд энэ нь компанийн гүйцэтгэл, зорилтын өндөр шалгуурыг тусгахаас гадна Маскийн хувьцааны эзэмшлээ нэмэгдүүлэх хүсэлтийг харгалзан үзсэн байна.
Эх сурвалж: The Guardian
