Дуучин С.ТЭНГЭР: Миний эхнэр ѳглѳѳ бүр цайныхаа дээжийг Ар Монголын зүг ѳргѳдѳг. Ѳвѳр Монголын 6 сая монголчууд Бидний залаа дээр тусгаар тогтносон Их Монголын голомт болсон Ар Монгол улс маань байгаа гэхээр их ѳмѳг түшигтэй санагддаг юм. Яг л аавтай хүүхэд мэт сэтгэгдэл тѳрдѳг.
.
Тэрээр монгол уртын дуу шиг хүчирхэг атлаа уянгалаг хоолойгоороо сонсогчдын сэтгэлд бүрэн хүрч, дууныхаа утга, хүсэл тэмүүллийг сайтар илэрхийлж чаддаг. Тэр бол Өвөр Монголын алдарт дуучин Тэнгэр юм. Цомгууд нь ихэвчлэн төрөлх нутаг, Монголын тал нутгийн тухай дуунаас бүтдэг.
Тэрээр “Хүмүүс хайрын дуунд хэтэрхий их ач холбогдол өгдөг, тэгээд ч хайрын тухай өгүүлсэн Хятад дуу маш олон байдаг учраас хайрын дуу дуулдаггүй” гэж хэлсэн нь бий. Тэнгэр 20 насандаа Өвөр Монголын Урлагийн Их Сургуульд суралцаж, Монголын уламжлалт хөгжмийн зэмсэг болох шанз тоглож сурчээ. Төгсөөд поп дуу дуулж, зохиодог болсон байна. Тэрээр эх газрын хятад поп дууг дуулахдаа, монгол хэв маяг, хөгжмийн аяз оруулж, байгаагаас нь өөрчилж дуулдаг ажээ.
“Би монгол хүн” дууг дуулснаар нь түүнийг сонсогчид мэддэг. Ийм нэртэй монгол шүлгээр зохиожээ. Энэ дуунд нүүдэлчин ахуйд төрж өсөн, эх нутгаа хайрлаж байгаа тухай өгүүлдэг. Дууны клипэнд монгол өв уламжлал, амьдралын хэв маяг, нүүдэлчдийн олон зууны турш эв зохистой амьдарч ирсэн зэрлэг онгон байгалийг харуулдаг.
Тэнгэр 1989 онд тухайн оны Хятадын Поп дуучдын уралдаанд түрүүлжээ. Мөн Азийн дуу хөгжмийн наадмаас шилдэг Хятад дуучнаар шалгарснаас хойш амжилтын түүчээ үргэлжлэх болов. Тэр дуучны замналынхаа турш хөгжим болон үзэгчдэд хүчтэй нөлөө үзүүлсээр иржээ. Түүний “Аав бид хоёр” дуу олон шагнал авчирчээ.
Тэр зөвхөн гайхалтай дуучин төдийгүй 1994 онд “Ганган хар морь” кинонд бүтээсэн дүрээрээ Хятадын шилдэг жүжигчдийн нэгт багтдаг. Уг кино Монтреалын XIX кино наадмаас шилдэг шагнал хүртэн, Өвөр монголчуудыг баярлуулсан юм.
Тэнгэр хэдэн жилийн өмнө тал нутаг, түүний үзэсгэлэн гоог цаашид магтан дуулахгүй хэмээн зарлажээ. Учир нь дуунуудынх нь утга агуулга төстэй, давтагдаад байвал сонсогчдод хүчтэй сэтгэгдэл төрүүлэхээ болино гэж боджээ. Түүний “Би монгол хүн”, “Аав бид хоёр”, “Диваажин” зэрэг дуунууд нь хамгийн алдартай билээ.
