УИХ-ын гишүүн асан, Д.Кёкүшюзанбатбаяр түүний эхнэр МУГЖ, дуучин Т.Баясгалан нар өөрсдийн болон хамаарал бүхий хүмүүсийн нэр дээр байгуулсан хэд хэдэн компаниар дамжуулан, дархан цаазат Богд хан ууланд болон Яармагийн дэнжид их хэмжээний газар авсан.
Улмаар зориулалтын дагуу ашиглаагүй, орон сууцны хороолол барьсан, байгаль орчинд нөлөөлөх байдлын нарийвчилсан үнэлгээ хийлгээгүй, хууль зөрчсөн гэх үндэслэлээр яллагдагчаар татагдаад буй юм.
Тэд нарт холбогдох хэргийн гэм буруугийн шүүх хуралдаан хоёрдугаар сарын 28-ны 10.00 цагт Хан-Уул дүүргийн эрүүгийн хэргийн анхан шатны шүүхэд эхэлсэн. Шүүх хуралдаан өнөөдөр 09:00 цагаас эхэлж, тав дахь өдрөө үргэлжилж байна. Гэтэл шүүгдэгч Т.Баясгалангийн ээж өчигдөр нас барсан байна. Гэвч шүүх хуралдаан завсарлаг авахгүйгээр үргэлжилж байгаа юм. Дуучин бүсгүй өөрийн цахим хуудснаа ийнхүү пост оруулжээ.
“Мөнхийн дэргэд ээж минь тайван нойрс доо!
Энэ биеийг минь төрүүлж, эгшиг дууны ертөнцөд намайг умбуулсан хайрт ээж Жамьяангийн Жавзандулам та минь бар жилийн ,бар сарын бар өдөр ертөнцийн мөнх бусыг үзүүллээ. Өсөхөөс өдий хүртэл үрсийнхээ төлөө зүтгэж, амьдралын жаргал зовлон бүхнийг сөрж туулсан гайхамшигт ижий таныхаа алтан шарилын өмнө хайрын 1000 дуу хэлхэж,мөнхийн их энэрлээр тань бахдаж явах болно оо үрс нь. Та минь аав ээжийнхээ ачлалт охин, 7-н дүүгийнхээ дэлгэр том эгч, найз нөхдийнхөө нар мэт илч, хайрт ханийхаа сэтгэлийн дулаан гэрэл байлаа.
Та минь мөнх тэнгэрийн Монголдоо эргэж төрөөрэй!”
