Сү.Батболдын удаах хүү Б.Самади охид бүсгүйчүүдийн анхааралд байна
Ерөнхий сайд асан Сүхбаатарын Батболдынх таван хүүхэдтэй. Сү.Батболд, Х.Отгонтуяа хоёр хоёулаа урьд нь хань ижил, үр хүүхэдтэй байсан. С.Батболд анхны эхнэрээсээ салахдаа хүү Баттүшигээ өөр дээрээ авч, хатагтай Х.Отгонтуяа анхны нөхрөөсөө салахдаа хүү Самадигаа өөр дээрээ авч салсан. Анх нийлэхдээ хоёр талаасаа нэг, нэг хүү хөтлөн ирж нийлсэн цуутай хосууд. Хоёр хүүгээ чиний, миний гэж ялгалгүй өсгөж, бат бэх цул нэгэн өрх гэр бүлийг үүсгэж чадсан билээ.
Б.Баттүшиг, Б.Самади хоёр араасаа гурван дүү дагуулсан. Ерөнхий сайд асан С.Батболдын хоёр дахь хүүг ер бусын хөдөлгөөнтэй сэргэлэн гэж мэдэх хүмүүс нь хэлдэг. Гэхдээ зөв сэргэлэн, хичээл номондоо ч тун сайн, ахтайгаа цуг Англид сурч байсан, тэнд дээд боловсрол эзэмшсэн гэдэг. Ах Баттүшигийнхээ “далбаан дор” байж, олны өмнө харагддаггүй.
Б.Самади нас нь 30 гарч яваа жентелмэнүүдийн нэг. Лондонд олон улсын бизнес, менежментийн чиглэлээр мэргэжил эзэмшсэн, өндөр боловсролтой, “И-Март” сүлжээ дэлгүүрийн ихэнх хувийг эзэмшигч “Алтай холдинг” группийн дэд ерөнхийлөгч гээд олон албан тушаал, цол гуншинтай. Чинээлэг, царайлаг Б.Самади одоо болтол ганц бие. Уг нь Б.Самади ахаасаа түрүүлж Б.Номин гэж хөөрхөн охинтой удаан үерхсэн ч ээж нь Самадигийн найз бүсгүйг хүлээн зөвшөөрөөгүй гэдэг. Тэр үеэс хойш Б.Самади олны өмнө найз бүсгүй дагуулж гарч ирээгүй. Улс төр, бизнест нөлөөтэй гэр бүлийн хүү Б.Самадийг сонирхох бүсгүйчүүд цөөнгүй.
