МУГТ Н.Төгсцогт реппэр Mrs M-тэй хайр сэтгэлийн холбоотой байжээ
Мэргэжлийн боксын IBO холбооны дэлхийн аварга, Монгол Улсын гавьяат тамирчин, сонирхогчдын боксын олимп, дэлхийн мөнгөн медальт Н.Төгсцогт Америкт тамирчны карьерээ хөөж, үе үе сайхан мэдээгээр монголчуудыг баярлуулдаг.
МУГТ Н.Төгсцогт эх орондоо ирж амрах үеэрээ найз бүсгүйгээ олонд танилцуулсан. Тэрээр Хөвсгөл далайн эргээр хөөрхөн охинтой зугаалж яваа зургаа инстаграмдаа оруулж,хэрэгт дуртай олон найз охиныг нь халбархан таньсан юм. Гавьяат тамирчин Н.Төгсцогт ялдам төрх, хөөрхөн царайгаараа олонд танигдсан инстаграмын олон дагагчтай бүсгүйн нэг Э.Энэрэлтэй болзож байгаа. Алдарт 2020 оны хөл хориогоор Америкт найз залуу дээрээ очсон Энэрэл эрх чөлөөлний оронд удтал хорионд байж байгаад эх орондоо ирсэн билээ.
Н.Төгсцогт 20 хүрээгүй насандаа “Киви”-гийн Укагийн дүү Уранзаяатай амьдарч, хүүтэй болсон. Харин Энэрэлтэй учрахаасаа өмнө жүжигчин О.Энхтуулын охин Mrs M-тэй болзож байсан тухай залуус ярьдаг. Реппэр дуучин Mrs M жүжигчин О.Энхтуулын ууган охин охин буюу жинхэнэ нэр нь Тамир. Жүжигчин О.Энхтуулын анхны нөхөр нь “Алтан Дорнод Монгол”-ын боссуудын нэг, бэлтэй эр бий.
Анхны нөхрөөсөө салсан О.Энхтуул “Хан брой”-н эзэн герман эр Клаустай ханилж, хоёр хүүхэдтэй болсон. О.Энхтуул нөхөр хүүхдийн хамт 2007 оноос Германд амьдарснаар Mrs M герман хэлтэй, герман “школа”-тай бүсгүй. Европ соёлтой, эрх чөлөөт хэмнэлтэй амьдралтай бүсгүй, мэргэжлийн боксын алдартай тамирчин эрийн амьдралын замнал нийлээгүй тус тусын замаа хөөжээ.
