Дуучин Х.Мөнгөнцэцэг энэ үеийн залуу дуучдыг өнгөлж яваа сайн дуучин. Зарим нь нийтийн дууны гүнж гэж нэрлэдэг. Ардын дууг ч, “Ар цармын цэцэг”-ийг ч өөрийнхөөрөө сайхан дуулдаг Х.Мөнгөнцэцэгийг сайхан дуулдаг, хөөрхөн бүсгүй гэлцэн хүрээлэх хүн олширч, фэнүүдийнх нь тоо өдрөөс өдөрт нэмэгдэж байсан.
Харин дуучин Баярын Болдтой хамт амьдарснаар олны хэл амны бай болж, сайн сайхан үг сонссон нь ховорхон. Харин одоо дөрвөн жил шахам хамт амьдарч, гурван хүүхэд төрүүлсний дараа айхтар хэл ам намжиж, амьдралыг нь хүлээн зөвшөөрч эхлээд байна.
Нас 30 дөхтлөө ганц бие явсан дуучин Х.Мөнгөнцэцэг залуусын харц тусалгүй яах вэ. Тэрээр 2016 оны сүүлчээр цомгоо гаргахад бүсгүйчүүд гэхээс илүү залуус цомгийг нь авахаар хөлхөлдөж байсан.
Цомгийн нээлтээр хүмүүс пиг дүүрэн цуглаж, аргагүй нэрд гарч яваа эрэлтэй дуучин гэдгээ харуулсан юм. Тэр үед МУГЖ С.Ганзориг, Т.Дэлгэрмөрөн зэрэг дуучидтай хослон дуулж рейтингээ өсгөсөн үе.
Одоо будаг нь ханхалсан шинэ ҮАБЗ-ийн дарга Ж.Энхбаярын гэгддэг “Алтайн эрин сан” анх Х.Мөнгөнцэцэгийн хэдэн клипийг нь ивээн тэтгэн олны хүртээл болгож байсан. Сүүлд ид нэрд гарч яваа залуу дуучин бүсгүйг ивээн тэтгэх хувь хувь, албан байгууллага мундахгүй олширсон. Юутай ч УИХ-ын гишүүн, Зам тээврийн сайд асан М.Зоригт нас намбаа мартан залуухан дуучин бүсгүйг сүүдэр шиг дагах болсон гэж тухайн үед шоолж байлаа.
Үеийнх нь залуу шиг сэмбэгэнэж дуучин бүсгүйн цахим хуудсаар найз залуу шиг нь эргэлдэж, зургийг нь “тааглана”. Цомгийнх нь баярт экс гишүүн М.Зоригт ирчихсэн энгийн ард, залуухан хөвгүүдтэй үеийн юм шиг үзэж тарж, дуучин бүсгүйн мөнгөн аяга шиг гараас цомгийг нь хүлээн авч байлаа. 
Мөн Х.Мөнгөнцэцэгийн цомгийн баяр дээр дуучин Б.Болд хүрэлцэн ирж, эхнээс нь аваад дуустал үйлчилсэн юм. Дараа нь дуучин Х.Мөнгөнцэцэг буяны үйл эрхэлж, эмнэлгийн өрөө тохижуулахад мөн л дуучин Баярын Болд ирчихсэн тусалж явсан. Ингэсний хүчинд эхнэрээ болгон, гурван хүүхдийн ижий аав болчихоод, хослон дуулж явна. Амьдрал баялаг гэж энэ.
