Монголдоо хамгийн үнэтэйд тооцогдох тансаг зэрэглэлийн хотхонуудын нэг бол “SS Garden”. Анх ашиглалтад орохдоо “Оршин суугч төвтэй төлөвлөлт” хэмээн сурталчилж байсан бол өнөөдөр бодит байдал дээр “Авилгачид төвтэй төлөвлөлт” байсан нь нэгэнт тодорхой болжээ.
Өөрөөр хэлбэл, “Оддын хотхон” гэдэг шиг “Авлигачдын хотхонтой болсон бөгөөд оршин суугчдынх нь дийлэнх нь алдар хүндийн оргилд ч гарсан, олон нийтийн сүлжээнд шүүмжлэлийн “бай” болж буйгаа амьдралын хэв маягаа болгосон олонлогууд нэгэн дээвэр дор амьдардаг нь сонирхолтой. Тухайлбал, хууль шүүхийн алба хаагчид, улстөрчид, УИХ-ын гишүүд, НИТХ-ын төлөөлөгчид, төрийн өмчит компанийн захирлууд, яам агентлагийн дарга нар төвлөрөн амьдардаг бөгөөд товчхондоо АТГ-ын салбар төлөөлөгчийн газрыг ч дэргэд нь байгуулчихмаар “Коммунити” үүсгэжээ.
Тэдний зах зухаас сонирхуулахад, найзынхаа зам барилгын компанийг залилан авсан нь 3 шатны шүүхээр тогтоогдсон Г.Өлзийдүүрэн гэгч этгээд энэ хотхонд 2 ширхэг байртай. Харин Г.Өлзийдүүрэнгийн найз, өмгөөллийн эрхээ хасуулсан өмгөөлөгч Н.Мандах, түүний найз Захиргааны хэргийн шүүхийн давахын шатны шүүгч Э.Лхагвасүрэн нар тус бүр 1ш байр авчихсан тохь тухтай аж төрж байна. Өмгөөлөгч, шүүгчдийн цалин хөлс, зарлагадаа хүрэлцэх орлого юусан билээ. Энэ хотхоны нэг өрөө, хоёр өрөө байрны үнэ ханш хэд билээ гээд харьцуулахад яах аргагүй хардлага төрүүлнэ. Энэ гурван найзын “SS Garden”-д нийт дөрвөн айлын байр худалдан авсан гарал үүслийг АТГ шалгаж тогтоох зайлшгүй үндэслэлүүд бий.
Үүнд: 1. Г.Өлзийдүүрэнгийн үйлдсэн залилан, авилга, ашиглан шамшигдуулсан хэргүүд замаа алдсан төдийгүй захаасаа ял шийтгэл аваад явж буйг сануулъя.
2. Н.Мандах өмгөөлөгчийн хувьд Г.Өлзийдүүрэнгээс их хэмжээний мөнгө авч үйлчлүүлэгчийнхээ эсрэг ажилласан нь баримтаар нотлогдож өмгөөллийн эрхээ хасуулсан байдаг
3. Өмнө нь удаа дараа Шүүгчийн ёс зүйн зөвлөлийн хурлаар орж байсан, иргэд, байгууллагуудын гомдол өргөдлөөр тасардаггүй Э. Лхагвасүрэн шүүгч нь энэ удаад дахин шүүгчийн давуу байдлаа ашиглаж Н.Мандахын өмгөөлөгчийн эрхийг сэргээхээр идэвхитэй ажиллаж буй зэргийг баримтаар нотлон харуулж болох бөгөөд энэ удаад “түүнийг анхаарч халамжлаад, анзаарч шалгаад өгөөч” гэж АТГ-т сануулаад түр ажиглая.
АТГ “Авлигачид төвтэй хотхон”-оосоо авлигачдыг илрүүлж “акквариумнаасаа тул агначихвал” үнэхээр чин шударга ажиллаж байгаагаа олон нийтийн өмнө батлан харуулах болно.
Discussion about this post