-Улс орон даяар цар тахал тархаж улс орны эдийн засаг хүндэрч байна. Тийм учраас энэ цар тахлыг боломжтой нэг нь тааруу амьдралтай иргэдээ чирэн давж гарна гэсэн үг юм. Шархадсан цэргээ тулааны талбарт орхидоггүй гэдэгтээ адил.
Эхний ээлжинд УИХ, Засгийн газрын гишүүд зургаан сарын цалингаасаа татгалзаж тойргийнхоо иргэдэд хандивлах хэрэгтэй. УИХ-ын сонгуулиар нэр дэвшихдээ асар их мөнгө үргүй зардаг, иргэдийн санал худалдан авдаг шүү дээ.
Яг сонгуульд нэр дэвшиж байгаа мэтээр иргэдийн санал худалдан авдаг шигээ мөнгөө гарга л даа. Зовох цагт нөхрийн чанар танигдана гэдэг шиг тойрог тойрогтоо очиж асуудал шийд, амьдрал дунд яв. Энд фэйсбүүк ухаад хэрүүлээс өөр юу хийх вэ эрхэм нөхөд минь.
Эрхэм гишүүд хөдөө орон нутгаас цахимаар чуулгандаа суучихаад хаврын бэлтгэл ажил хангачихаад ир. Зарим нэг нөхдүүд мал төллүүлчихээд ирсэн ч болно. УИХ-ын зүгээс цар тахлыг далимдуулан банкны хүүг буулга. Монгол банк мөнгө хүүлэхээ зогсоо. Хадгаламжийн хүүг буулгаж иргэд мөнгөө хувьцаа, үйлдвэр гэх мэт эргэлтэд оруулах үүд хаалгыг нээмээр байна. Улс орон цар тахлын дарамтаас гарах, эдийн засаг эргэн сэргэхэд банкны хүү чухал нөлөөтэй гэдгийг ойлго.
