Сүхбаатар дүүрэг 6-р хорооны нутаг дэвсгэр “Сүхбаатарын талбай”-н төв хэсэг рүү энэ сарын 11-нд 12:50 цагт улаан өнгийн “Toyota Aqua” маркийн автомашин нэвтрэн оржээ.
Цагдаагийн байгууллагаас уг үйлдлийг таслан зогсоож шалгахад жолооч П нь согтууруулах ундааны зүйл хэрэглэсэн үедээ тээврийн хэрэгсэл жолоодож дээрх үйлдлийг хийснийг тогтоосон байна.
Тэрээр 1988 онд төрсөн Увс аймгийн харьяат иргэн бөгөөд эрхэлсэн тодорхой ажилгүй юм байна. Төв талбайд эсэргүүцлээ илэрхийлэн согтуугаар тээврийн хэрэгсэл жолоодон төрийн ордоны урдуур явахдаа амьдрал хүнд байна хэмээн уйлж байсан аж.
Тухайн жолооч нь Монгол улсын замын хөдөлгөөний дүрмийн 3.7 з/-д заасан “Тээврийн хэрэгслээр зорчих хэсгийн хашлага давах, хориглолт тогтоосон зам, талбай, ажлын талбар руу дур мэдэн нэвтрэх” гэсэн заалтыг зөрчсөн учраас 20 мянган төгрөгөөр торгуулж эрүүлжүүлэгджээ.
