“Хэмнэлт хийе” гэж байгаа бол төрийн өмчит байгууллагуудад хэрэглэж байгаа тээврийн хэрэгслийн дугаарын суурь өнгийг өөрчлөх хэрэгтэй . УИХ-ын даргын 2022.04.08-ний өдрийн 48 тоот захирамжаар байгуулагдсан ажлын хэсэг хуралдсан.
Хурлаар үүсээд байгаа хямралт нөхцөл байдлыг шийдвэрлэх бодлогын шийдэл гаргах, төрийн хэмнэлтийн горимд шилжих чиглэлээр төсөвт тодотгол хийх зэрэг асуудлыг хэлэлцсэн юм.
Энэ үеэр УИХ-ын дарга Г.Занданшатар “Хэмнэлтийг өөрсдөөсөө эхэлье. УИХ-ын зардлыг өмнөх төсвийн тодотголоор 5.6 тэрбумаар танасан. Гишүүний зардал 11 хувиар, Байнгын хорооны зардал 16 хувиар хасагдсан. Дахин 10-аас багагүй хувиар танахаас өөр аргагүй. Маргаашаас УИХ-ын харьяа байгууллагуудын удирдлага хотод “570, 200″ автомашин буюу хотод том оврын авто тээврийн хэрэгсэл унахгүй. Төрийн хэмнэлтийг манлайлан ажилла” гэв.
Тэгвэл ард иргэд үнэхээр “Хэмнэлт хийе” гэж байгаа бол төрийн өмчит байгууллагуудад хэрэглэж байгаа тээврийн хэрэгслийн улсын дугаарын суурь өнгийг өөрчлөөд өгөх хэрэгтэй гэж үзэж байна. Ингэснээр иргэд өөрсдөө хянаад байх боломжтой болно. Ядаж л эхнэр хүүхдүүд нь амралт, дэлгүүр хоршоо хэсээд хүүхдүүдээ сургуульд зөөгөөд байхгүй л байх гэж үзэж байгаа юм.