Япон улсаас тусламжаар ирсэн 20 тн хувцас үнэ төлбөргүй тарааж байгаатай холбоотой дэнжийн 1000 орчимд иргэд ихээр цугларсан. Дэнжийн 1000, Өрхийн эмнэлэгийн зүүн талд 20тн бараа тараах ажил 09:00 цагт эхэлсэн нь иргэдийн бөөгнөрөл үүсгэсэн юм. Тус сайн үйлсийн аяны зорилго нь өрх толгойлсон ээж, аав болон амьдралын боломжгүй иргэдэд хувцас хандивлажээ.
Харин энэ үйл явдлын талаар “Цензургүй яриа”, “Цензургүй сурвалжлага” нэвтрүүлгийн санаачлагч, хөтлөгч, сэтгүүлч Л.Мөнхбаясгалан өөрийн цахим хуудснаа сэтгэгдлээ хуваалцав. Тэрээр “ Үнэгүй хувцсанд дугаарлан зодолдож байгаа ядуу ард түмнээ бүү доромжил!!! Энэ бол амьдралын бодит үнэн… ард түмэн чинь ядарч байна, ядуу байна эрх баригчдаа!!!” гэв.
