Путин Украинд байлдах гадаадын сайн дурынхныг хайж байна
ОХУ-ын Ерөнхийлөгч Владимир Путин гадаадын сайн дурынхныг Украины хүчний эсрэг тэмцэхийг уриаллаа.
ОХУ-ын аюулгүй байдлын зөвлөлийн хурал дээр тэрбээр үг хэлэхдээ, ОХУ-ын дэмжлэгтэй , сайн дураараа байлдахыг хүссэн хүмүүст зөвшөөрөл олгоно гэжээ.
Оросын Батлан хамгаалахын сайд Сергей Шойгу Ойрхи Дорнодод 16 мянган сайн дурынхан ОХУ-ын хүчинтэй зэрэгцэн тулалдахад бэлэн байгаа гэж мэдэгдэв.
АНУ-ын албаны хүмүүс тус гадаадын иргэдэд хот суурин газрын байлдааны чадвартай сиричүүд багтаж магадгүй гэж мэдэгджээ.
Москва бол Сирийн эртний холбоотон, түнш юм. Мөн Путин Сирид өрнөж буй иргэний дайнд тус улсын Ерөнхийлөгч Башар аль-Ассадын гол дэмжигч байсан юм.
Шойгу мөн олзлогдсон барууны танк эсэргүүцэгч пуужингийн системийг Донбассын бүс нутаг дахь Украины салан тусгаарласан Луганск, Донецк мужуудад Оросын дэмжлэгтэй босогчдод өгөхийг санал болгов.
Эх сурвалж: bbc
Холбоотой мэдээ: Европын холбоо Украины гишүүнчлэлийг үгүйсгэв
Европын холбооны удирдагчид Орос Украинд учруулсан гамшгийг буруушааж байгаа. Гэсэн хэдий ч Москвагийн хөрш орон руугаа дайрсан үр дагаврыг яаралтай шийдвэрлэхээр хуралдаж, тус холбоонд түргэн элсэх тухай Киевийн хүсэлтийг хүлээн аваагүй байна.
Учир нь тус эвслийн нэгдсэн фронтод Киев клубын гишүүнчлэлийг түргэсгэхийг шаардсанаас эхлээд Оросын чулуужсан түлшнээс хэр хурдан ангижрах, эдийн засгийн хариу арга хэмжээг хэрхэн зөв бүрдүүлэх зэрэгт хагарал үүсчээ. Зарим нь Украиныг яаран элсүүлэхийг зөвшөөрөхгүй гэдгийг тодорхой хэлсэн байна.
Энэ нь Украины Ерөнхийлөгч Владимир Зеленскийн хүсч байсан тусламжийг хойшлуулж байна. Францын Ерөнхийлөгч Эммануал Макрон хэлэхдээ, “Бид дайтаж байгаа улсыг гишүүнчлэлд оруулж болох уу. Би тэгж бодохгүй байна. Гэхдээ туслалцаа үзүүлэхгүй байж болох уу. Энэ нь шударга бус байх болно” гэжээ.
Эх сурвалж: Aljazeera