“Одоо”, “Хавар”, “Анзаарахгүй” зэрэг дуунуудаараа сонсогчдынхоо хайр хүндэтгэлийг хүлээсэн реппер, ая зохиогч, продюсер Lil Thug E нь цусны цочмог хорт хавдартай болох нь оношлогдоод байна. Энэ өвчин нь Монголдоо эмчлэгдэх боломжгүй байгаа бөгөөд маш яаралтайгаар чөмөг шилжүүлэн суулгах мэс заслыг нэн даруй хийх шаардлагатай байгаа юм..
Г.Төгөлдөр (Lil Thug E) нь уран бүтээлийнхээ үг болон аяыг өөрөө гардан бүтээж, доторх ертөнцөө бүхэлд нь тольдон харуулсан хурц шийдэмгий үгс, сэтгэлийн гүнээс нь ундран гарах уран яруу шүлгээрээ сонсогч түмний зүрх сэтгэлд шууд хүрсээр ирсэн нь урлагийн ертөнцөд цоо шинэ өнгө төрхийг нэмсэн билээ. Үүгээр ч зогсохгүй олон арван хамтлаг дуучдын хит уран бүтээлийн аяыг бүтээн туурвиж, орчин цагийн хөгжмийн өнгө төрхийг 29-хөн насандаа тодорхойлж яваа нь цаашид Монголын урлагийн ертөнцөд нэгэн өөрийн гэсэн шинэ урсгалын эхлэлийг тавиад байгаа юм.
Гэвч цусны хорт хавдар гэх энэхүү хүнд аюулт өвчин нь залуу насыг үл харгалзан Lil Thug E-г тойрч гарсангүй, цаг үеийн хүнд хэцүү байдалтай зэрэгцэн бид бүхний өмнө тулгаран ирлээ. Өнөөдөр дэлхий дахинд цусны хорт хавдар нь нэн хүнд өвчинд тооцогдож байгаа хэдий ч олон улсын хэмжээнд чөмөг шилжүүлэн суулгах мэс заслыг амжилттай хийлгэснээр энэхүү өвчин нь эмчлэгдэх боломжтой нь батлагдсан юм.
Түүний эмчилгээний төлбөр нь эхний байдлаар нийт 650’000’000 төгрөг болох бөгөөд найз нөхөд, гэр бүл, хип хопын ертөнц, Монголын ард түмнээсээ цуглуулах #BigLIFEforLilTHUGE хандивын аянд нэгдэхийг уриалж байна.
Тэгвэл түүний найз У.Содхүү: Анх түүнтэй болон Loichihson crew тэй 2017 онд 5 10 20 мянга Get money дууны клипын үеэр танилцаж байлаа. Манай хүн Comedy шоу байнга ирж үзнэ. Тайзан дээрээс бүтэлгүйтээд буугаад ирхэд урдаас зүгээршдээ аймар л байлаашдээ гээд сэтгэл засдаг найз минь. Бичлэг болгоны доор магтаал бичдэг найз минь. Чи special шоу хийвэл мань дуулна шүү гэдэг найз минь. Ингээд бодсон бүх цаг үед дандаа намайг дэмжиж байжээ. Харин одоо мань жаахан ч атугай чамайгаа тус болъё.
Далайд тусал нэмэр гэдэг дээ. Одоо маниус чинь 5 10 20 мянга биш 5 10 20 саяаар нь олдог хүмүүс болцгоосон.
Найзынхаа эмчилгээний зардалд 5 сая төгрөг хандивлаж байна. Мөн цаашид зохиогдох хандивийн бүхий л тоглолт арга хэмжээнд очно гэдгээ амлая. Та бүхэн маань ч гэсэн сэтгэлээрээ туслана гэдэгт би гүнээ итгэж байна.
Эдгэрээд ирхээр чинь тоглолтон дээр чинь бут авнаа андаа.
#BigLifeforLilThugE
#Big Life for Lil Thug-E хэмээжээ
Lil Thug E эрүүл болж, олон уран бүтээлээрээ сонсогчидтойгоо уулзаж байх хувьтай хүн гэдэгт бид итгэж байна.
ХАНДИВЫН ДАНС: ХААН БАНК – 5163496119 /Л.ГАНЧИМЭГ/
Доорх сошиал хуудаснуудыг дагаж албан ёсны нэгдсэн мэдээллүүдийг авна уу:
– https://facebook.com/biglifeforlilthuge
– https://instagram.com/biglifeforlilthuge
Улаанбаатар хот
2021.09.23